💫💜 قصة_المحلل 💜💫 #الجزء 84 : 💥💕 صهيب وصل للشركة طلع ميشان للبيرو ديال خالد دق ودخل لقاهم جالسين بتلاتة نبيل وخالد وهيثم وشي واحد جالس عاطيه بالضهر تقدم عندهم لقا السلام عاد شافو طلع حاجبو وسلم عليه ...صهيب:هدا نتا ...ياسين:جيت باش نشوفك نتا و نبيل نهضر معاكم ...صهيب:فاش ...خالد:صهيب سمع السيد ياسين صاحبي وكنعرفو ماشي شي واحد لي ...صهيب(قاطعو):الطريقة باش بغا يدخل مهياش ...هيثم:اشمن طريقة ...ياسين(شاف فيه):حيت هضرت مع ختو هي لولة بهدف انني نعرض عليها الزواج ويلا وافقات نتوكل على الله ...هيثم(شاف فيهم):عادي فين كاين المشكل اولا و اخيرا كتبقى هي مولات الرأي ...صهيب(خنزر فهيثم ورجع شاف فيه):ولكن هي قالت ليك بلي مموافقاش ...ياسين:بدون سبب مقنع ...صهيب(تكا على الفوتوي وطلق يديه):اهاه ...ياسين(زاد القدام حاطيو على ركابو ومشابكهم كيشوف فيه بتركيز):معندي حتى مشكل نهضر معاها قدامك ولكن انا متأكد مغتكونش صريحة معايا ومغتهضرش كيف بغات ...صهيب(باستهزاء):ياكما باغي تخرج نتا وياها الراس فالراس ...ياسين:لا ماشي ضروري ممكن يكون معانا شي واحد هي كترتاح معاه وكتهضر قدامو براحة مرتك مثلا مرت نبيل ولا ...صهيب(بحدة):مرتي مكتدخلش فهدشي ومكتخرج مع حد ...خالد:هو مقالكش تخرج معاه الله اهديك(شاف فصهيب لي خنزر فيه)كولني مالك اصحبي غير هاز شوكتك عندي اقتراح حسن ...نبيل:شنو هو ...خالد:اليوم الواليدة دايرة شي عارضة عندكم فالدار بمناسبة حمل صفاء عارضة على كلشي علاش تا ياسين ميجيش معانا وديك الساعة يهضر معاها فحضور الواليدة اش بانلكم ...ياسين:معنديش مشكل ...هيثم:اقتراح مزيان ...نبيل:صهيب؟! ...صهيب(كيشوف فياسين بتركيز):شحال فعمرك نتا ...خالد:حنا فين وهو فين ...ياسين(ابتسامة جانبية):30 سنة ...صهيب:وختي يلاه عندها 20 يعني فرق السن بينك وبينها 10 سنين ...ياسين:وفين المشكل هي ماشي قاصر اولا ...نبيل:اصلا لاج ماشي مهم شوف انا و شيماء بينا 12 عام ههه وبيخير ...خالد:بصح المهم هو يكون التغاهم ...هيثم:هي لي من حقها تقرر دابا ...صهيب(بدا كيسوط):شفتكم كلكم من جيهتو ...خالد:ههه حيت عارفينو كيف داير فرح متلقاش حسن منو ...صهيب(وقف مخنزر):تا توافق عليه بعدا ...خرج وخلاهم كيضحكو عارفين معزة فرح عندو وخوفو عليها وتا ياسين عاذرو لانه براسو كون كانت عندو ختو غيتصرف بنفس الطريقة بقا جالس معاهم شوية وتافق مع نبيل باش يجي معاهم للغدا ودكشي لي دار بقا فمكتب خالد بينما الدراري مشاو لخدمتهم تا يوصل الوقت ويمشيو مجموعين... وصل وقت الغدا كانو الدراري قدام الدار وصهيب اولهم باركا طموبيلتو دغيا وهبط حل الباب وطلع مخليهم ليهم لقا صفاء جالسة فالصالون كتلعب مع ريم مشا هز بنتو كيبوسها وشاف فيها ...صهيب(مدلها يدو):حبيبة اجي معايا ...صفاء(مشات قبطات فيه مبتاسمة):ياك لباس ...مشا دخلهم للبيت حط ريم وضار عندها طلعها وهبط كانت لابسة بيجامة قصيرة حدالركبة وطالقة شعرها جرها عندو باس راسها وحنكها ...صهيب:والو باس احبيبتي توحشتك ...صفاء(حطات يدها على صدرو):اممم عليها مشيتي صباح بلا متفيقني ...صهيب(باسها بزربة):مبغيتش نبرزطك خليتك على راحتك ووصيت حتى فرح عليك احم على دكر فرح راه غيجي داك خينا اليوم ...صفاء:شكون؟! ...صهيب:داك ياسين لي باغي يتزوج لقيتو فالشركة وعرضو عليه الدراري للغدا معانا ...صفاء(بدات كضحك):اه دابا فهمت ههه ...صهيب:شنو ...صفاء:عاد فهمت علاش دخلتيني لهنا ...صهيب:وشنو بغيتي نخليك تا يطلعو ويشوفوك بهاد اللبس ...صفاء(طلعات حاجبها):هاد اللبس؟!راني فالدار عادي نلبس هاكا وكلي كيقرب خوك يجي راه كنلبس عليا واخا هو مكيطلعش كاع لهنا(بعدات عليه)تا دابا كون عيطتي قبل متجي وقوليا لبسي عليك حيت محال نستر راسي ...صهيب(جرها عندو):مالك ديما تتقلبي هضرتي وترديني خايب ...صفاء:انا لي خايبة غير رتاح ...صهيب(حط جبهتو على جيهتها):هاد الزين كلو كيقول على راسو خايبة(باسها وهمس فودنها)نتي اجمل ما رأت عيني خلقا و اخلاقا ...صفاء(بخجل):امم ...صهيب(بابتسامة):شنو اممم ...صفاء:احم والو خليني نلبس باش نخرج نعاونهم فالطبلة راه حتى ماما وختي هنا ...صهيب:مرحبا بيهم ...صفاء(مشات للبلاكار كتجبد حويجها):فخبارك بلي حتى قمر حاملة هه ...صهيب(تكا فوق الناموسية وحط ريم على كرشو):مبروك عليهم ...صفاء(كتلبس وتهضر):فؤحت ليها بزااف شحال كانت مشتاقة يكون عندها وليدات ...صهيب:كل حاجة كتجي ملي كيكتبها الله ...صفاء:ونعم بالله(قادات زيفها وضارت عندو)يلاه نخرجو ...صهيب(وقف وهز ريم شاف فيها بحب وقبط يدها باسها):يلاه ...خرجو من البيت ومشاو جيهة الصالة كان كلشي تم كيهضرو وفرحانين وكلشي كيبارك لخالد لي مصدوم باقي مستوعبش الخبر لي نزل عليه تا قمر معطلاتوش كيف دخل قالتها ليه ...ريحانة:ههه ملي صبرات معيطاتش ليك صباح كامل راه صبرات وبزاف ...قمر:بغيت نشوف هاد الصدمة هه ...هيثم(لي جا بوحدو بعدما داز جاب بشرى من سونطر اللغات عاد جاو عندهم):ههههه وا فات الصدمة لهيه ...خالد(الفرحة مالية قلبو وعينيه كيلمعو):احساس فشكل ...صعيب(ضرب على كتفو):يتربى فعزك وتشوف خوتو مزال ...خالد:ان شاء الله يا ربي الله يبارك فيكم(شد قمر من يدها)اجي معايا ...خرجو وهوما متبعينهم كيضحكو الا فرح لي معارفة ما تقدم ولا توخر من التوتر وشوفات ياسين ليها....... #يتبع.......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM