💫💫💜 قصة_المحلل 💜💫 #الجزء 45 : 💥💕 #عند_فتيحة لي طلعو معاها جيران ولادها جالسة وسطهم فالصالون كل مرة تشوف فواحد كينين من جهة وهي تضرب ففخاضها ...فتيحة:الله يعطيهم الكرض لدوك اليدين اويلي بغاو يشويوني فكبدتي الله يعطيهم القطع(ناضت جلسات حدا حميد)شفتي شفتي زواج النحس شفتي اش خرج منهم ولالا شوهونا فالحومة ومخلاو ما قالو فينا سمعتي ...فدوى(تتنين):انننن صافي هيثم خلاني اهىء اهىء طلقني ...فتيحة(ناضت حداها وبدات تهضر بشوية):باقة كتهضري الحتروفة راجل مقديتي تشديه كي العيالات الحرات هاوا لاحك الله يا ربي اش درت تا يتخرب عش ولادي فليلة ولحدة ولكن سرنااااا حنا لي مشينا وجبناها من دار باهاااا تا طلعات فالسما دايرة ليا فيها اميرة العفاف(هزات يديها للفوق)سيري يا صفاء اش بغيتليك ...حميد:مدعيش اااه مدعيش فيها ...طرطقات فيه فتيحية عينيها وناضت حداه عاوتاني ...فتيحة:بااااقي تتجي منها اويلي مخلات باش عايراتك ما خلات ما قالت فيك شوف غير حالتك كيدايرة شوف خوها اش دار فيك وااااش باااااغي تسطينيييي غاااا قوليا اش داااارت لييييك ياااااك طلقتيييها لااااااش تتجي منهاااا ...ناضت مفقوسة مشات للكوزينة هزات بانيو صغير دارت فيه الما وهزات زيف صفير ورجعات حداه كتمسح ليه وجهة من الدم وهو غير تينين حتى سالات وعاوناتو يوقف دخلاتو لبيتو بدل حويجو وتخشا بلاصتو ورجعات عند فدوى بغات تنوضها جاتها تقيلة بدات تنكر عليها وتعايرها تا دخلاتها لبيتها حيدات ليها دوك الحويج لي مقطعين عليها ...فتيحة:شكووون دااار فيك هاد الحالة اناري باينة تحامات عليك زهور هي وولادها .. فدوى:لالا يا ماما غير ديك البرهوشة ديال اسماء ااااي بشوية ضريتيني ...فتيحة(لبساتها البيجامة):شفتي ياك قلتهاليك قتليك هديك هي لي غتجيبليك التمام وفين هوما ترعين دياولك و انا و انا ندير ونفعل شوفي عود الند كيدارتلك هنشراتك ...فدوى:راااه غفلااتني ا مي تيقتها بنت الهم قلت جات الفرصة تال عندي ساعة هي قنات عليا ودارت فبالها تحصلني بغيييت غير نفهم اش نزلها ياك قالت غتحفض بغيت ليها السقووووووط ااااااااااي بشوية اهىء اهىء .. فتيحة(دفعاتها فوق الناموسية ووقفات):الناس والدين الولاد وانا والدة الضبووووعة فيكم غير حلااان الفم على مكم ملي وقفتو قدام ولاد زهور طحنوكم وطيحوكم ...فتيحة:بصاااح راه ماشي غير حنا نسيتي صفاء كيفااااش كتهضر معاك ومتقدري حتى تحلي فمك قدامها ...فتيحة(دارت اشارة لراسها):انا؟ ...فدوى:اه نتي تنكري ...تلاحت عليها فتيحة بالضرب كملات ليها لي باقي بردات فيها غدايدها والفقسة ديالها وفدوى حامياها بالغوات و البكا لحمها كاع مزوق بضرب هيثم و اسماء وزادت كملات ليها مها...خلاتها كتبكي وتشهق وخرجات مشات لبيتها كتنهج ...فتيحة:والله متبقى فيكم غير صبرو عليا غيييير صبرو الله يحرر عيشتكم كيف ححرتو عيشتنا ...بقات جالسة مغددة مرة تهضر مع راسها مرة تنوض طل على حميد وهي مراضياش كيف جرتلوهم قدام جيران كل مرة كطل من السرجم وهي مخبية كتلقى جارات مزال واقفين قدام بيبانهم علاش لا وهوما لقاو موضوع جديد يدوزو بيه السيمانة...بقات على ديك الحالة حتى نعسات... فاق هيثم اليوم على غير عادتو راشقة ليه ومرتاح حيت تفك من ديك اللصقة واخا مبرداتلوش الضرب لي ضرب حميد لختو لبس حويجو وخرج من البيت يطمن على صفاء لي اول مرة متقدرش تنوض وتصلي معاهم الفجر حل البيت بشوية لقاهم بجوج باقيين ناعسين شاف فأسماء لقاها مشتتة فبلاصتها مشا قادها وغطاها وضار عند صفاء جلس بجنبها وبقا كيشوف فيها كيفاش ناعسة ومكمشة دوز يدو على شعرها وباس راسها عاد خرج هبط لتحت لقا مو وباه جالسين كيهضرو سلم عليهم وخرج فاتجاه خدمتو وقبل ميمشي اول حاجة دارها مشا نيشان عند المحامي باش يرفع دعوى الطلاق وشرحلو شنو وقع من اول نهار حتى لي وقع البارح كمل معاه بعض الاجراءات وخرج مشا داز تقدا لختو الحويج لي ممكن تحتاج دارهم فالكوفر ومشا لخدمتو....وصل للشركة باركا الطموبيل ونزل شاف جهة باب الشركة وهو يخرج عينيه سد الطموبيل ومشا كيجري ممتيقش انها قدامو اما هي غير شافتو كحلات بالعمى وعينيها كلهم كره ليه بغات تجنبو وهو يوقف قدامها ...هيثم(بصوت حنين):بشرى ...بشرى(خنزرات فيه):حيد من طريقي ...هيثم:خاصني نهضر معاك الله يخليك عطيني فرصة ...بشرى:ههه ياكما تيقتي راسك ا سي هيثم ماشي حيت تقت فيك مرة وخرجت معاك وسمعت كدوبك راني باقة مكلخة و غنعاودها ...هيثم:و رب الكعبة مكدبت عليك انا ...بشرى(هزات صبعها فوجهو بتحذير):متزيد حتى كلمة يكفي انك تفليتي عليا وهادي حاجة لاول مرة يتجرأ شي واحد ويديرها ولكن كون اكيد انا ماشي حمارة لي نبقى نكرر نفس الخطأ ...هيثم(بعصبية):عللااش مبااااغاش تسمعيني انا وقعوليا مشاكل بزاااف نهار هضرت معاك وقتليك باغيك للزواج مكدبتش عليك وقتليك كنتسنى غير يسالي زواج ختي وانا معاك ولكن ...بشرى(قاطعاتو):ولكن تزوجتي نتا وختك فليلة وحدة ههه مضيعتيش الوقت ...هيثم(بصدمة):عرفتي شكون قالهالك ...بشرى(بغيظ):سمع اولد الناس لنا ماشي ديال التفلية فلول بنتي ليا راجل وقد كلمتك بلا كلام خويا عليك وكيفاش عزيز عليه وكيحتارمك دكشي علاش قبلت وخرجت معاك مع انها ماشي من عادتي نخرج مع واحد غريب ونجلس معاه ولكن لمست الجد و الصدق فكلامك مكانش كيسحابلي بلي نتا باغي غير تفلى وزايدها دابا مزوج وكتهضر ...هيثم(بالغوات):متفليييييتش عليييييك انااااا باااااغيك ...بشرى(بنفس حدة الصوت):متغووووتش عليااااا خلييييني موقراااك ولا قسما بالله حتى نحطك بوجهك قدام خويا وديييك السااااعة نشوووفو واش هاد الصحبة غتبقى وهاد الاحترام غيدوم ملي يعرف شنو درتي فختو(تمات غادة وهي ترجع)ومبروك عليك الزواج ...مشات وخلاتو متبعها كيغلي كره الطريقة كيفاش هضرات معاه و النظرة لي ولات واخدة عليه وكيفاش تحولات نظرتها لي كانت كلها اعجاب لحقد زاد حقد على فدوى وتريكتها..شافها ركبات فالطاكسي بقا واقف جامد معارف ميدير البنت لي بغاها وتمناها تكون ليها من بعد ما لقى كاع لي بغاه فيها بنت متخلقة مأدبة محتجبة ساترة راسها وفارضة احترامها على الناس هايا كضيع منو شنو غيدير فيقو من سهوتو غير يد تحطات على كتفو ضار بزربة ...هيثم:خالد ...خالد:مالك واقف هنا مناويش طلع تخدم ...هيثم:مقادرش ا خالد عارف عيقت عليك وخليت الحمل كلو عليك ولكن ...خالد(جرو معاه):زيد زيد منيمتا كانت بيناتنا هاد الهضرة كنت كنتسناك يلاه لقيتي بشرى مشات مشفتيهاش ...هيثم(بتنهيدة):شفتهااا.. زهور دخلات عند بناتها كحل السراجم وتفيقهم ...زهور:واش نتوما خمرتو هنا ولا كيفاش اسماااء نوضي ابنتي نوضي(مشات جلسات حدا صفاء باستها وبدات كتفيقها بشوية وهي غارقة فنعاسها)صفاء نوضي ابنتي براكة عليك ...اسماء(تتكسل):خليها ا ماما حشومة عليك خليها مرتاحة تا تفيق على خاطرها ...زهور(بقلق):لا تنوض راه شوشاتني من البارح وهي ناعسة لا سحور ناضت ليه لا فجر ناضت ليه فين عمرها دارتها ...اسماء:وا ماما لا يكلف الله نفسا الا وسعها هي عمرها قصرات فصلاتها ولا فرطات فيها ولكن دابا راه بز منها عذريها لي دوزات البارح ماشي ساهل شوفيها كيف ناعسة محاساش تا بينا حنا وهي لي مولفة غير تسمع التقرقيب تنوض ...زهور:ولو تنوض نشوفها بعيني مزيانة ومفيها والو ...بقات تتفيقها واسماء خلاتها على خاطرها مشات للدوش وبقات زهور تا فيقات صفاء وهي تتكسل وتجبد حتى تأوهات وحطات يدها على كرشها تخطفات زهور من بلاصتها وعرات ليها على كرشها لقاتها زراقت ...زهور:شنوووو هدشييي الله يا ربي الله يعطيك القطع لدوك اليدين لي شايطين عليه الله ياخد فيهم الحق ...صفاء(بصوت باح):صافي ا ماما خليهم منهم لله متبقايش دعي ...زهور:واخا ابنتي واخا واش كتحسي بشي حاجة كضرك قولي ليا شنو ندير ...صفاء(بابتسامة قبطات يدها باستها):مديري والو ا ماما غير ارتاحي عافاك متبقايش مهولة عليا انا دابا غنوض ن ...قاطعها صوت الغوات من الزنقة وشي وحدة كتعيط بسميتها والخبيط فالباب بجهد ...زهور:شنو هدشي عنداك تكون ...ناضت بزربة للسرجم طلات لقاتها فتيحة محيحة فالزنقة وكتغوت وقفات صفاء حدا مها كطل حتى هي ...صفاء:كنت عارفاها غتجي(مشات تتلبس بينوارها ودارت زيفها على راسها) ...زهور(بحدة):فييين غااادة جلسي للارض ...صفاء:واش بغيتي نخليوها تبقى تغوت هاكا ...اسماء(جات كتجري):واش هادي فتيحة شنو بغات عندنا مزال هادي خاصني نهبط ليها ...زهور(بالغوات):غتجلسووووو لرض تااااا وحدة متهببببط عندها اناااا لي غنهبط(هزات صبعها بتحذير)ويا ويلكم تبعووووني اناااا هضرت ...هبطات زهور وخلاتهم مفقوسين بقاو كيطلو من السرجم ...زهور(حلات الباب):ياك لاباس الالة اش كااااين شنووو جاااية ديري عندييي هنا ...فتيحة:هااادووو هووووماااا فعاااايلكم يااااااك ا موووولاااات العقلللل يااااك كتخبااااو مور الدييييين ونتومااااا بينكم وبينوووو غير الخييير و الاحسااااان نتووووما هومااااا الشياااااطيننن كتعداااااو على بناااااات الناااااس وتهجمووووو على الديووووور فنصاصات اللييييل ياااااك(ضارت كتشوف فجيران وتغوت)ياااااااك شفتووووو بعينييييكم شااااااهدين شااااهدين على ولاااااد الاماااام و الامااااام براااااسو فييييين هو موووول الفقه و الكلاااام الرزييييين لييييي جااااااي برجلييييه تاااال داااااري ومزييييد ولدو يتكرفص على ولااااااادي ...زهور:حددددك تم وعرفي اش كتخرجي على فمك وخليني سااكتة بلا منشر كلشي قدام الناااس ...فتيحة:لالا غييييير نشري نسمع نشررررري الا كاااااين شي باااااطل تاااا هو ترمييييوه غييييير رميييييه ....زهور:نعلي الشيطان ا فتيحة راك جيتي للدار الغلط حنا ماشي ديال المعاطيات ومموالفينش بالدباز مع الناس ...اسماء(نقزات من ورا مها):لااااااا دياااال الدباااااز نييييت قاتلك باااااطل يااااااك الشرييييفة ا الحااااااجة لي مشات لبييييت الله وجاااااية محملة بالسحوراااات ومزيدة حتى بنتك مكتخافوش من الله شكوووون كيتخبى مور الدييين حناااا ولا نتووووما مدرتووووو بحساااااب العوااااشر ورمضان عاااااد كتهضري على التكرفييييص ....فتيحة:بزاااااف علييييك البرهووووشة السحوووور نتووووما مااااليه اماااا حناااا منعرفووووو منين نجيوه ولااااا نددوزو ليييييه ...اسماء:لااااا نيييييت(بالغوات)بنتك لصقاااات خوووويااااا ولاااااحت عليييه بااااطل بااااش تلسسسق هناااا ونتووووما على سببببة مهضرتوووو متكلمتووووو فين هو الروييييجل ديااال ولدددك ولا سيفط لهناااااا كيتخبى مووور العيااالات ...فتيحة:بزااااف عليييك ولدي الا كان خوووك شماااتة ولدي رااااه سيد الرجال كتسمعييي ...دخلات زهور جرات اسماء لي باقة باغا تراد معاها خبطات عليها الباب وفتيحة مشات تتخبط عليهم الباب حتى جاو الناس كيهضرو معاها ...جار1:نعلي الشيطان الشريفة وسيري لدارك راه العواشر هادي حشومة ...جارة1:ختي فتيحة سيري لدارك باركة من الشوهة هاد الناس راه الحومة ملها عارفاهم اش كيسواو سكنو هنا قبل منك باقي مدارو حتى الولاد اما نتي شريتي هنا غير البارح تاقاي الله وسيري لدارك حدا ولادك ...خلاوها الناس وكل واحد دخل لدارو وهي غتاكل راسها واخا كلشي شاف بعينو هيثم لي مجرجر فدوى وكيقولو هدشي هزات راسها ومشات للكوميسارية وهي كتفتف ديكلارات بهيثم بانه تكرفص على بنتها وتهجم عليهم وضرب ولدها مشاو معاها البوليس للدار شافو دوك جوج وخرجو معاها لدار عبد الغفور سولو على هيثم قالولهم مكاينش وزهور بدات تبكي وتندب على ولدها اما هوما بقاو تما كيتسناوه وهي معاه حتى بانلهم هيثم وقف بطموبيلتو بدات كتغوت وتنعت جهتو ديك الساعة هزوه معاهم للكوميسارية....... #يتبع........♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM