💫💜قصة_المحلل💜💫 #الجزء 41 : 💥💕 بعد مدة حل هيثم الباب وهو حال عينيه بزز وبينو مضلم شاف باه وهو يشعل الضو ودخل تبعو عبد الغفور سد الباب وجلس حداه ...عبد الغفور:شفتك نعستي بكري ...هيثم:مقديتش نبقى جالس حتى للسحور عييت وصابح فايق بكري ...عبد الغفور:حالك مبقاش عاجبني ...هيثم(بتنهيدة):وانا عاجبني ا الواليد؟واش كنبانلك راضي على حالتي هاكا وحياتي لي تقلبات بين ليلة ونهار بسباب برهوشة ...عبد الغفور(حدر راسو):يكمل هاد الشهر اولدي ونشوفو حل ...هيثم:انا عاد نزيد نصبر شهر آخر ...عبد الغفور(طبطب على ضهرو):الصبر مفتاح الفرج متنساش ودير نيتك وخلي كلشي على لي خلقك هو قادر على كل شيء ...هيثم:عيييت عيييت كل مرة كنحس براسي فشكل من جهة ديك السيدة شي مرات(سكت ومسح على وجهو بعصبية محاملش يخرج الهضرة)معرفتش معرفتش ...عبد الغفور:تمدد بلاصتك نقرا عليك شوية القرآن ملي مكتقراهش نتا ...ناض هيثم تجبد بلاصتو بلا ميهضر جلس عبد الغفور حدا راسو وحط يدو على جبهتو وهو مغمض عينيه بدا كيقرا عليه القرآن بصوت مسموع وهو كيسمع ليه ومركز معاه حتى بدا كيحس بقلبو كيضرب بجهد ونفسو ضاقت عليه ولكن بقا صابر ومتحمل داك الالم لي فراسو وغير مكيزيد وعبد الغفور مترقبو كيعرف هاد الحالة مزيان لانه ماشي اول مرة يقرا القرآن على شي واحد ويشوفو فهاد الحالة عقد حواجبو وهو مستغرب من حالة ولدو وهو كلو شك بقا مستمر حتى كمل السورة لي كان كيقرا عليه وحيد يدو على راسو ...عبد الغفور:كتحس براسك مزيان دابا؟ ...هيثم(بصوت مخنوق):شوية ولكن غنعس غنصبح مزيان ...بقا واقف كيشوف وخرج سد الباب وراه بقا واقف شاف جهة بيت فدوى مدة ومشا لبيتو حل الباب لقا زهور جالسة للارض كتماصي رجليها وتنكر ...زهور(شافت فيه):الحاج فين كنتي بغيت ديك البوومادا ديال المساج عطيهاليا ...جلس بلاصتو ومد يدو للمجر جبد البومادة ودار يدو فوق الناموسية ...عبد الغفور:اجي هنا ...زهور:غير عطيني ...بقا كيشوف فيها مجاوبهاذ وهي تفهم راسها ناضت طلعات تم ومدات رجليها بدا كيماصي ليها وهي حشمانة منو واخا هاد السنين لي فاتو وعندهم 3 د الولاد الا انها باقة كتحشم منو وتحتارمو وهدشي كلو سببو حسن المعاملة وعشرتهم الطويلة لي خلقات بينهم حب و مودة لي مفروض تكون بين اي جوج د الناس مزوجين..كمل ليها وهز راسو فيها لقاها مبسمة ...عبد الغفور:تكاي دابا رتاحي ...زهور:احياني فين هي الراحة شكون يحط السحور و ...عبد الغفور:هضرت معاك تكاي بلاصتك نقرا عليك شوية القرآن باش ترتاحي شوية ...دارت شنو قاليها وحط يدو على راسها وبدا يقرا عليها ونفس حالة هيثم جاتها والفرق انها مصبراتش ودغيا حيداتلو يدو وجلسات ...زهور:اففف اش هاد الحالة تا باش نجلس نرتاح مقديتش غير خليني الحاج نمشي تقضي شغلي ...خرجات من البيت وخلاتو متبعها وشكو ولا كيتحول ليقين لدوك الافكار لي كيجولو فبالو.. بقا عبد الغفور متبعها وناض من بلاصتو مشا عند اسماء لقاها باقة كتحفض ...اسماء:امضرا ا بابا ...عبد الغفور:قريتو عليه ابنتي تكاي تا نتي نقرا عليك شوية ...اسماء(بابتسامة):اهاه نيت يلاه نرتاح ...ناضت جمعات كتوبتها وتقادات بلاصتها وحط يدو على راسها بدا يقرا عليها وحاضي ملامحها حتى بانتلو ترخات ودغيا نعسات حبس القراءة وناض قاد عليها الغطا طفا الضو وخرج مشا ميشان لبيت هيثم حل الباب وشعل الضو قرب ليه لقاه ناعس خلاه وخرج من البيت يلاه سد الباب وهو يشوف بيت فدوى تحل بانتلو خارجة غير شافتو وهي ترجع يديها ورا ضهرها وبان عليها التوتر ...فدوى:احم عمي نتا هنا ...عبد الغفور(طلعها وهبطها وهادي اول مرة يطول فيها الشوفة):باقة منعستيش ...فدوى:لا غنزل نعاون خالتي فتوجاد السحور حشومة نخليها غير بوحدها واخا نقص عليها غير الطياب ...عبد الغفور:الشقى مفيهش غير الطياب على العموم طيبي باش تسحري الدراري نعسو مغيتسحروش وحتى انا و زهور ...فدوى:كيفااش علاااش مموالفالكمش ...عبد الغفور تجاهل كلامها ومشا وقف فاول الدروج بدا كيعيط لزهور طلعات عندو دارلها اشارة دخل للبيت ودكشي لي دارت بلا حتى كلمة تبعها وخبط الباب مخليينها واقفة تضزر فعينيها ...فدوى:شوفلك الشارف ولا يخبط عليا الباب تقول انا غير مشتاقة نطيب ليكم لهلا يوكلولكم بففف(جبدات دكشي لي فيديها)ماشي مشكل تال غدا ونديرولكم فالفطور(شافت جهة البيت)ونتا الشارف نشوفو كينديروليك بففف ...خبطات رجليها مع الارض ودخلات لبيتها زادحة الباب.....#زهور:الحاج هاد النهار بنتيليا ماشي حتى لهيه ...عبد الغفور:سمعيني مزيان ديك البنت متبقاش تقرب للطياب ولا ماكلة الدراري ...زهور:وعلاش هدشي راها كتعاوني وتنقص عليا تمارة اش بغيتي عندي واش انا ناقصني ن ...عبد الغفور(طلع فيها عينو وهو مخنزر):مكتعاود غير الصلاة على النبي ...زهور(تكمشات ونقص صوتها):عليه الصلاة و السلام ...عبد الغفور:سيري تنعسي دابا يلاه ترتاحي ...دارت دكشي لي قاليها ومشا تا هو نخشا بلاصتو وهز القرآن كيقرا سورة البقرة بصوت مسموع شوية وهي غير كتقلب كل مرة كيلوح عينو عليها ويزيد يعلي صوتو شوية حتى شاف فيها لآخر مرة بانتلو ناعسة وتتشخر...سد القرآن وحطو بجنبو علا راسو الفوق وهو كيتنهد طفا الضو وتكا كيفكر حتى داه النعاس ....#اصبح_الصبح_والملك_لله ...فاق عبد الغفور صباح اول واحد من بعد ما صلاو الفجر بقا جالس وسط الدار مرجعش نعس عكس زهور لي شبعات نعاس عاد ناضت لقاتو جالس عاود وصاها بنفس الهضرة لي قالها فليل وهي كتعرفو ملي كيولي مصر على شي حاجة يعني راه قاصدها ماشي غير هضرة،واعداتو بلي مغتخليهاش تقرب للكوزينة كاع ونزلات لشغلها وديك الساعة خرج هيثم لابس حويجو ومقاد ...هيثم(بابتسامة):صباح الخير ...عبد الغفور:صباح النور اولدي كيف صبحتي ...هيثم:ولاهيلا الحمد لله ديك القراءة ديال القرآن نفعاتني ملي خرجت بقيت شوية ونعست تال صباح مع الفجر صليت ورجعت نعست مرتاح ...عبد الغفور:الحمد لله ضروري اليوم فليل نعاودوها القرآن راه مزيان ...هيثم:ايه علاش لا ...عبد الغفور:حافظ على صلاتك فوقتها الله ارضي عليك متقطعهاش ومتجمعهاش عليك ...هيثم:كون هاني الواليد غنحاول اليوم نصلي فالخدمة مولف الصراحة كنخلي الظهر و العصر حتى كنجي ...عبد الغفور:وماشي عيب عليك ...هيثم(حشم منو وحدر راسو):الله اسمح ليا وصافي دعي معايا بالتبات ...عبد الغفور:الله اهديك على نفسك الله اهديك سير لشغلك الله ايسر ليك ...باس يدو وناض باش يخرج وهي تخرج اسماء لابسة حويجها وزربانة ...اسماء:علاش مفيقتونيش داني النعاس ...هيثم(بابتسامة):هه ياك نتي تتصلي الفجر وتبقاي تراجعي ...اسماء:داتني عيني ...هيثم:صافي يلاه نوصلك ...فدوى(خرجات عندهم تتكسل):صباح الخير ...تا واحد مجاوبها الدراري هبطو فحالهم وعبد الغفور حد عينيه وهو كيسبح فتسبيحو هزات كتافها ومشات بشوية عليها دخلات للدوش ...عبد الغفور:لا حول ولا قوة الا بالله ...تفكر صفاء وناض لبس عليه وهبط داز على زهور وعاود وصاها عاد خرج فاتجاه دار صفاء....... #يتبع.......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM