💫💜قصة_المحلل💜💫 #الجزء 27 : 💥💕 خوات الدار وكلشي مشا فحالو دخل الحاج للدار لقاهم كلهم مجموعين فالصالة الا هيثم لي مكانش وكلثوم لي مشات هي وبناتها..جلس حدا زهور وهو كيشوف فحميد وفتيحة ...حميد:هدشي لي طرا الحاج ماشي دنبكم و ...عبد الغفور:سد على الموضوع اولدي لي نقولك اني ولدي عارفو وعارف كيفاش مربيه ولكن دارها كلام الناس لي ميرحمش ...فتيحة(بالغوات):كيفاااش زعما هي حنااا تبلينا عليه واش مشفتيش البنت قدام عينيك ...حميد:الواليدة صافي(وقف وشاف فصفاء)صفاء جيبي حوايجك ويلاه باش تمشي لدارك ...صفاء:لا انا اليوم غتبات هنا ...عبد الغفور(بصزت متعب):نوض ابنتي لدارك نتي دابا مزوجة فينما كان راجلك غتكوني معاه ...صفاء:ولكن ...زهور(مشات عندها):نوضي ابنتي باك مبقا عندو جهد يدي ويجيب فالهضرة نوضي الله يرضي عليك ...ناضت صفاء وهي متحسرة على هاد الحالة لي ولات فيها دارهم فعوض متكون فرحانها بزواجها تقلب كلشي لحزن وحقد من جهة فتيحة لي كلما جات العين فالعين كتخنزر فيها..خرجات تنهيدة من قلبها وهي طالعة لبيتها ومها معاها كتوصيها وتهدنها كانو حويجها مجموعين شافت واش منسات والو وخرجات باليزتها تعرضلها حميد خداها من عندها وسبقهم ...صفاء سلمات على ختها وباها لي حتى هو عطاها حق من وصاياه..خرجات لبرا كان حميد واقف حدا طموبيلة صاحبو شافها وحليها الباب ركبات ...حميد:تجي الواليدة ونمشيو ...صفاء(اكتفات بإشارة):الصمت ...#فتيحة:نتي لي ربحتي ابنت الحرام ...فدوى(بابتسامة):مول النية كيغلب ا مي ههه نتي رميتيني باش يبقى ليك حميد ولكن شوفي ربي يسرليا كلشي شكون قال انا نتزوج مكنتش دايرة بحسابها كاع ....فتيحة(بعصبية):كون ما انا راك غتديه ومتفرحيش بزااف متقولي ديتيه حتى تهزي فكرشك شي بعلوك منو اما دابا غير سدي فمك حيت راه جامع لوالديك حب وتبن ...فدوى(بدات تدور فعينيها):لا ميقدر يدير والو هنا باه ومو ميخليوهش مشفتيش كيفاش سمع كلام باه ...فتيحة(بغيظ):شفت شفت وشفت حتى خوك لي طايح ليا عمى فيها وقالك مرتي ماليها حتى ذنب ...فدوى:اوا قال الصح هناني من لوسة بعدا ههه بقات غير وحدة ماشي مشكل باقة برهوشة ...فتيحة(وقفات كتخنزر فيها):ديك البرهوشة هي لي غتخرجك من عين البرا ...خلاتها وخرجات مفقوسة هبطات لتحت وخرجات من الدار بلا متهضر مع شي حد ركبات فالطموبيل لقدام وحميد غير كيشوف ركب حدا صفاء وزادو للدار...وصلو وهبط نزل الباليزة حطها قدام الباب من بعد ما حلات فتيحة وطلعات سلم على صاحبو وشكرو عاد مشا عند صفاء دارلها اشارة باش دخل طلعات سابقاه وهو تابعها بديك الباليزة غير وصلات الفوق وهي تقفز على صوت باب البيت لي تزدح شافت فحميد لي شدها من يدها وداها جهة بيتو حل الباب ودخلات وهو وراها حط الباليزة حدا البلاكار ووقف قدامها ...حميد:متديش عليها هي دابا معصبة خاصها وقت باش تنسى شنو وقع(شاف فجنابو ورجع شاف فيها)هدا بيتنا خودي راحتك فيه الدوش راه(نعت ليها جهة الباب لي مسدود فنفس البيت)ستفي حويجك ودخلي دوشي ونعسي ارتاحي راحتك هي لولة(باس راسها وخرج) ...جلسات صفاء فوق الناموسية ورجعو دموعها كينزلو ملي تفكرات خوها وحالتو كيف كان وكيفاش بان ضعيف لاول مرة تحط فموقف مقدرش يرفض ولا يدير حتى حاجة وهي متأكدة بلي فدوى هي لي لاحت راسها عليه...من بعد مدة ناضت حلات باليزتها وهزات فوطة وبيجامة ودخلات للدوش .......#عند_فدوى كانت غادة جاية فالبيت طالقة شعرها ولابسة بيجامة مزيرة عليها لي جابتهالها زهور من حوايج اسماء وكل مرة كطل من السرجم حتى ضارت قافزة ملي تحل البتب وشافتو قدامها ...هيثم(هز عينو ولقاها قدامو):باقة هنا بوجهك حمر اش دخلك لبيتي ...فدوى(بتوتر):اممم انا اه خالتي قاتليا دابا بيت راجلك هو بيتك بقاي و ...هيثم(دار ابتسامة شريرة على وجهو وضار سورت الباب ورجع شاف فيها حيد التيشورت ديالو بقا عريان وبدا كيحيد فالسمطة):امممم بيت راجلك....... #يتبع......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM