💫💜قصة_المحلل💜💫 #الجزء 22 : 💥💕 حميد(واقف لابس وواجد):ا سربيو راه تعطلنا على الناس ...فتيحة(خرجات عندو لابسة قفطان موبرا مخيط بالدوغي وبليغة فنفس اللون كتقاد الدبالج فيديها):بشوية راه مزال الحال كوراه باقيين مجمعو حتى الطبلة ...حميد:غير طلقو راسكم خاصني نمشي ندوز عند العدول راني داير مع السيد ...فتيحة(طلعات لتام على وجها):ومالك لي تحيبو نتا يجيبوه هوما نيت ...حميد(شاف فيها مافيه ميجبد شي صداع تاني):فدووووووى طلقينا ...فدوى(خرجات تتجري لابسة قفطان فزرق وضاربة تعكيرة حمرا)هانا هانا واجدة ...حميد(عقد غوباشتو):اش دكشي دايرة فمك مسحي الزبل ...فدوى:علاش اخويا ياك اليوم عرسك وانا فرحانة ليك مكنديروش ديما والله عافاك غير خليه ...حميد:واش تمسحيه ولا نخليك هنا ...فدوى:اوووووف والله تا حشومة هدشي(مشات هزات كلينيكس مسحاتو قدامو ووقفات)هانا صافي ...مشا بلا ميجاوبها وهي ضارت شافت فمها ...فتيحة:اوا منعاودش نوصيك ...فدوى:كوني هانية(خلات مها ضارت ومشات كتجري هزات العكر دارتو فصاكها وهبطات لقاتهم واقفين وحميد كيهضر مع شي واحد فالهونضة) ...فدوى:شكون هداك ...فتيحة(مفقوسة):شفتيه شنو داير جايب تلاتة ديال الطيافر اعلم الله اش جايب ليها تم متشاور معايا ما خدا ريي ...فدوى:ههه حيت عارفك مغتبغيش ...حميد(جا عندهم):سيرو ركبو را طموبيلة سعيد صاحبي قدام الهونضة لي غتبعكم انا نمشي نجيب العدول ونجي ...فتيحة:اش دكشي جايب تم شفتك درتي لي بغيتي من راسك على الاقل تشاور معايا ...حميد:ماشي مشكل الواليدة سيرو دابا انا جاي ...خلاهم ومشا تمات فدوى غادة للطموبيل حتى بانتلها مها راجعة لور جهة الهونضة وقفات موراها وجرات عندها واحد من الطيافر حلاتو وتحلو معاه عينيها كان شي حوايج مقلباتهمش ولكن لي جدبها هو البواطات لي كانو فوق منهم حلات اول وحدة لقات فيها سرتلة ديال الدهب بدات تتويل حطاتها وهزات بواطة خرا كان فيها سنسلة وخاتم و الحوالق ديالها ديال الدهب زادت هزات بواطة خرا حلاتها كانو فيها دبالج غلاض هزات واحد عضاتو بسنانها ...فتيحة:ولاهيلا دهب اويلي انا لي مو عمرو تفكرني تا بسليب ...فدوى(واقفة موراها وحابسة الضحكة):لاواه مكيخلي ميجيبليك ...فتيحة(ضارت عندها):غبرييييييييي فحااااالك الله يقطع حسسسسسسك(شافتها مشات كتجري وضارت سدات دوك البواطات بالنتير وهزات لي فيها السرتلة بقات تتشوف فيها وهي تهزها وسدات داك الطيفور)بقات ليها غير السرتلة والله لشافتها غير بلاتي لمفرتكت ليكم هاد الهيلالة منتسماش ...مشات وهي كتنهج الفقسة غتقتلها ركبات حدا فدوى وتحرك بيهم صاحب حميد فاتجاه دار صفاء لي فراس الحومة واخا قراب ولكن فضل انهم يمشيو هاكا وقفو قدام الدار فين كانت البنية وتعرضلهم عبد الغفور و هيثم لي خنزر ففدوى ...عبد الغفور:مرحبا مرحبا بيكم ...فتيحة(بضحكة صفرا):ربي يخليك الحاج ...زهور(خرجات عندهم هي وكلتوم سلمو عليهم وشافو الطيافر):لاش عدبتو راسكم الحاجة براكة غير دكشي لي جاب حميد للدار تزيدو تا هدشي بزااف ...فتيحة(كملات ليها الباهية):احم ماشي مشكل اختي زهور شكون عندنا غلا من صفاء ...كلتوم:مرحبا بيكم دخلو دخلو(هضرات مع هيثم)ولدي قولهم يدخلو دكشي للدار وعيط للداري يعاونو ...دخلو عند العيالات حيدات فتيحة لتامها وهي تتسوط وتنس بيديها على وجها الصهدة طالعة معاها شافوها جارات وناضو كيسلمو عليها ويباركو ...جارة1:مبروك مدرتو ا فتيحة ولد ختار وعرف معامن يتناسب ...جارة2:زعما ولاهيلا راكي راضية عليه ملي ختار صفاء بنت الحاج الادب و الاخلاق و الزين تبارك الله ما شاء الله عليها ...فتيحة(بغيظ):الله يبارك فيكم ...فدوى(بهمس):ماما طلقي ديك الغوباشة را وجهك قرب يطرطق ...كلتوم:و فين حميد باقي مجاش ...هيثم(كان داخل وسمعها حيت كانت واقفة غير فباب الصالة):راه جا وجاب العدول...... #يتبع........♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM