حياة جديدة الجزء 16 🔥🔥🔥🔥🔥🔥 ( التتمة من بعد 200 لايك طاكيو صحابكم يقراو وجمجمو ❤️💪) مشات ركبات في طومبيل ديالها و كسيرات غادا باش تلحق عليهم و لكن وقفات في نص الشارع ما عرفاتو شد طريق الرباط او لا طريق الشمال زيرات على الفولون و ضربات معاه يديها و رجعات ادراجها اما منير ضرب الدورة و وقف في سطاسيون نزل عمر ليصانص و مشا عند مول الحانوت لي تما خدا ليها سقاطة بأنواعها اما هو خدا ليه قهوة خلص و خرج من عندهم مشا ركب و شدو طريق الطنجة باش يدزو 15 اليوم ديال العطلة مع بعضياتهم وهوما كيتحدتو وطريق كلها بسمة كتاكل في تشيبس و عينيها على طريق شوية كتعگر من التحت كتبقا تبربص و هو عاجبو الحال كي شوفها كيفاش كتورد في البلاصة و مكتقدش تقولها ليه هو منير:كاين مخدة لور هزيها جلسي عليها بسمة(شافت فيه):جايبها اختياط منير(تبسم ابتسامة شريرة):ضروري راه درت ليك ديدي بسمة(خنزرات فيه بطفولة):متبقاش تقول ليا هكدا انا دابا وليت مراتك غنضربك منير:علاه شحال هذه مكنتيش مراتي بسمة(كتقاد المخدة تحتها):لا دابا وليت رسميا مراتك منير(خدا يديها باسها):وديما مراتي بسمة(مدات ليه كيكة كي ياكل منها):دابا فين وصلنا منير:قربنا ندخلو البالقصيري بسمة:شد طريق روتوروت ديغيا توصل منير:واخا اوامر اخرى بسمة(شادة تيلي كتدوي فيه):لا ا سيدي منير(تبسم):معامن كتدوي بسمة(شافت فيه):مع صحاباتي كندويو على القراية و صافي منير (عقد غوباشتو):واش باغيا تقراي بسمة(شافت فيه):علاش عندك مشكل منير(تبسم):لا بالعكس تماما بغيتك تقراي بسمة(تبسمات):واخا منير:الا جاك النعاس نعسي بسمة(حطات راسها على كتفو):لا مبغيتش منير:على خاطرك ا حبيبتي بقات كتشوفو كي سوق بتركيز كبير شي لي دخل ليها شك كيفاش دار الكسيدة سؤال بقا كي حكها خافت تسولو تصدق مخصرة اللحظة ولكن مقدراتش تصبر و هي تسول بسمة:منير رسين(طل عليها):وي بسمة:بغيت نسولك و خافتك تعصب عليا منير:منقدرش نتعصب عليك سولي بسمة:دابا انا كنشوفك كتسوق بحدر كبير و غير بشوية عليك منير:ضروري انت حدايا خايف عليك بسمة(هزات راسها فيه):و شنو سبب باش درتي الكسيدة شحال هذه عاود ليا منير سكت و خنزر مزال حر الشمتة كتاكل فيه مبغات تبرد ليه هي سكتات و حنات راسها وصلها الجواب اذن بلا ما تسول بقاو ساكتين . بعد مرور 6 ساعات وصلو طنجة وقفو قدام اوطيل هيلتون لي كي تعتابر اكبر اوطيل في طنجة مكيجيو ليه غير شكون و شكون و منير بغا يدوز 15 اليوم كيف كنقولو عسل في عسل مع مراتو لي كي موت عليها علاش لا و هي لي بقات ليه لي هذه الدنيا و بغاها من قلب قلبو عارف و عايق بيها بلي كنحس بشي حاجة من جيهتو واخا كان مكيمشيش بغاتو ولكن مراعي ليها لوضعها الحشومي معاه لي باغي يخرجها منو و تكون معاه مطلوقة هبطات بسمة او من وراها منير مشى نزل شوانط من طومبيل اجا عند بسمة خدا يديها و هي كدور راسو و تشوف فيه تمنات تجي ليه شي نهار بحكم انها كانت كتشوفو غير في تيلي و تمنى نهار لي تعرف تصميم الداخلي ديالو بسمة:ووووواااو منير الاوطيل واعر منير(عض شفايفو حيت كانت مزيرة عليه على يديه): بصح عجبك بسمة:كي حمق منير:عنجلسو هنا 15 اليوم بسمة؛ولكن مشي غالي كيبان غالي بزاف منير:الخير موجود و الحمد لله ربي مسك علينا علاش لي منمتعوش راسنا وزايدون حتا حاجة متغلا عليك نتي بسمة : كتفحرني بكلامك مشى الاستقبال و هي سكتات حتى يكمل مشات جلسات في الفوتاي و خلاتو على راحتو اما منير خدا سورات سويت ديالهم ارجع عند بسمة او طلعو فوق و هي مشبرة فيه بسمة(كملات على كلامها):منير واخا الخير موجود اكيد معنبقاوش نفرقو فيه (دوات و هي قاصدة كلامها):متنساش بلي مزال المصاريف عيكترو من لهنا القدام مزال عيكونو عندنا ولادنا خاصهم يقراو كسوتهم شرابهم عيشتهم خاصنا نتكايسو ديك عندنا ولادنا كي خرجات من فمها كيف العسل و شحال حمقاتو بهذه الكلام دخلو سويت لي كان زوين بزاف او كان تطل على البحر عجب بسمة بزاف ولاو قلوبة تخرجو من عينها بسمة:او هادشي زوين بزاف منير:عجبك بسمة زوين حتى طنجة زوينة منير:غير نرتاحو شويا او نخرجو ندرو بسمة:وخا منير:أجي جلسي ندوي معاك سمعات ليه كلام و مشات جلسات حداه هو شاف فيها مشا حيد ليها الشال حيت وجها كان عيطرطق بالحمورية و الصهد و وقفنا حيد ليها الكسوة بقات غير الدوني و الشورت ديالو قصير و جلسات عاد اما هو حيد حوايجو بقا غير بالشورت حيت فعلا صهد و مشا جلس حداها باش يدوي معاها هي مرتاحة مشي كيف قبيلة غير كتنش على راسها تنهد و هو كي فكر في كلامها اكيد لي فرح و انها كتفكر في مستقبالهم و جوج هز راسو فيها لي كتسناه يدوي و يقول شي حاجة منير(بتاسم):اول حاجة معمري كانت عندي هذه الفكرة في راسي الحمد لله عشت بيخير و الخير موجود مشي حيت الاب ديالي كان تاجر حتى انا تعلمت منو الحرفة و كنت كنتخلص من عندو و منين دخلت لمدرسة الاساتدة لقيت باش نعيش اللهم لك الحمد (شاف فيها و شد يديها):الحمد لله الوليد قبل ما يموت كان كي فكر ليا حتى في غيابو و انا مكنتش حاسس بهذه الشي حتى طحت و قلت مكاينش لي يشد بيدي يعاوني حتى لقيتك انت حدايا و شادة بيدي و مخليتينش شي لي خلاني نبغيك و كنحمد الله عليك (بنهد بخفوت):لبارح كانت احسن ليلة في حياتي و جات مع هذه العطلة بغيت ندوزها معاك تعرفي عليا و نتهلا فيك طبعا على طول الايام ولكن محد مزال كاينين بجوج حاليا نهار لي يسهل علينا الله و رزقنا بدرية صالحة ان شاء الله عتزاد عليا فرحة فرحتين و نكون ليك احسن زوج و احسن اب بخصوص مستقبلهم و عيشتهم انا خدام من جيه و البزارات الوليد لي مقابلهم من بعيد من جيه و الحمد لله ها حنا عايشين بفضل الله كاين او ولا بسمة(بتاسمات ليه ببراءة):متقلقش مني بغيتك غير تكون مرتاح معايا و صافي منير(قرب عندها و طلع ليها وجها حتى تقابل معاه... يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM