المعقد والجريئة الجزء 11 🔥🔥🔥 ( التتمة من بعد 90 لايك طاكيو صحابكم يقراو وجمجمو ❤️ ) جات بغات تقلب و هو يدخل البوليسي و معاه صوت مألوف ناري هذا صوت صلاح بقيت جامدة فبلاصتي قرب ليا صلاح و بقا كيطرشني قصحني: جيبو الما جابو الما و بقا كيرشني و والو بقيت جامدة، شوية ما بقيتش سمعت الحس، هدرت هند: حلي عينيك راه مشاو حليت عيني: دغية قلبي إلا كان شي شرجم قلبت هند لقات واحد الشرجم مي عالي بزاف: مشكلة و دبا شنو؟ هند: شوفي غدي طلعي فوقي باش توصليه مي قبل عطيني فلوسي عطيتها الباقي سدت الباب و انا ركبت فوق ظهرها بقيت مضاربة مع الشرجم باش نوصلو و فهاد اللحظة جاو البوليس بقاو كيدقو فالباب و يضربوه، انا مع الخلعة هبطت دغية من الشرجم جيت طايحة على مؤخرتي تقصحت بزاف، نضت يلاه بغيت نمشي و هو يشدني شي حد من كتفي: فين غادية الالة شفت فيه و انا نغوت: واعععععع كان صلاح مسند على الحيط و كيضحك عليا: ههه واو خطة خطيرة صوفيا: نتا شكدير هنا؟! صلاح: نتي هي الي شكديري هنا؟ خاصك تكوني الداخل ماشي هنا صوفيا: انا بريئة ما منحقش تدخلني للحبس صلاح: اممم انا اصلا كنت باغي نخرجك غير قلت مع رأسي نشوفو كيفاش غدي تهربي اممم و طلعتي ماشي ساهلة صوفيا: يعني نتا من شحال هدي عارفني غدي نهرب كيفاش درتي ليها؟ صلاح: شتي المدرسة إلي قريتي فيها انا الي بنيتها، كاع التحرميات دوزتهم و الي فاتك بليلة فاتك بحيلة كاينة؟ صوفيا: سبحان الله و خليتيني نتعذب و شوية كنت غدي نتهرس صلاح: ههه اه صراحة فوجتي عليا هاد الليلة و لا نقولو الصباح حيت دبا 4 صوفيا: و دبا ممكن نرجع للدار صلاح: امم واقيلة نخلوك تباتي هنا احسن ياك؟ صوفيا: لا ابدا ديني دبا لدارنا صلاح: اوك زيدي معايا مشينا لبيروه سد المحضر و وصلني للدار: بقاي بعيدة على المشاكل هدا اخر إنذار صوفيا: شنو درتو مع هند؟ صلاح: شكون هند؟ صوفيا: البنت إلي كانت معايا صلاح: اه شريكتك فالخطة ههه رجعت بحالها للبلاصة فين خليتيها صوفيا: اممم اوك صلاح: يلاه سلمي على مالين الدار هبطت من اللوطو و دخلت للدار لقيتهم باقي فايقين و مجموعين فالصالون، غير شافوني جاو كيجرو، عنقت ماما و بابا: بنتي كيفاش حتى خرجتي صوفيا(انا براسي ما عارفة): لقاو بلي معنديش دخل بالمافيا، و اصلا انا مكنتش عارفة بلي ياسين خدام معاهم ماما: دبا انا بغيت غير نعرف شكون هاد ياسين صوفيا: غير صديق طلب مساعدتي و انا عاونتو بلا ما نعرف علاش ماما: شتي طيشك فين وصلك، ها هو باباك صونا للمحامي و تفضحنا هكاك بابا: ماشي مشكل المهم ابنتي انا ما بقيتش لا قدامك لا وراك هادي و التوبة، ماماك هي الي غدي تعرف تعامل معك من هنا للقدام ماما: أول حاجة عندك عقوبة الخروج ممنوع صحاباتك مغديش تبقاي تشوفيهم و اول حد غدي يجي يخطبك يكون إلي بغا يكون غدي نعطيوك ليه صوفيا: شنو؟!! Cv pas ماما: اه صفا الحمد لله هدشي إلي غدي يصلح ليك راجل هو الي غدي يتحكم فيك و يعرف يتعامل معك حيت غلبتينا ابنتي العصا إلا جينا نعصوك حشومة قدك قد الجحش، إلا غوتنا غدي نجيبوها غير فراسنا باك فيه السكر و انا فيا الطونسيون، الهدرة و النصيحة تدخل من هنا و تخرج من لهيه ايوا هدا هو الحل الوحيد مروان: و انا متفق معك الواليدة صوفيا: بابا؟! هدر معاهم عفاك بابا: بنتي انا الي كاين قلتو شفت حتى عييت و طلعت بحالي زدحت باب البيت و تلاحيت ماشي انا الي نرضى بسهولة . صبح الصباح و مشا صلاح للكوميسارية، دخل بيروه و جا عندو حميد لقا التحية: سيدي صباح الخير صلاح: صباح الخير احميد، مندرى لقيتو ياسين؟ حميد: سيدي للاسف ما لقيناهش صلاح: 20 واحد مقدرو يلقاو شخص واحد؟ مالو عندو رجلين ماشي بحال بنادم حميد: يمكن عاونو شي حد صلاح: اوف المهم كمل البحث بغيتك تجبدو لي وخا يكون تحت الأرض إلا خرجتي عيط ليا على سعيد معك حميد: اوك الشاف تحياتي شوية دخل سعيد عندو: نعم الشاف؟ صلاح: ايوا شي جديد؟ سعيد: يلاه هدرت مع محسن و قالي بلي مزال ما خرجت من الدار صلاح: اممم المهم قولو يرد البال معاها و الي كاين قولو ليا اوك؟ سعيد: وخا الشاف، الشاف ممكن سؤال؟ صلاح: شنو؟ سعيد: دبا نتا علاش ما رجعتيها للكاب البارح و علاش ما عاقبتيها حيت حاولت تهرب؟ صلاح: حيت هي الي غدي تدينا للبوس منها غدي نعرفو المقر ديالهم و فين كيتلقاو سعيد: اه دبا فهمت صلاح: على سلامتك و دبا إلا مكانت شي حاجة أخرى يمكن ليك تخرج سعيد: تحياتي سيدي فقت مع 3 ديال العشية دوشت صونيت للبنات و هدر معاهم و عاودت ليهم على عقوبة ماما ليا مي مع إحسان و سارة مكاينش المستحيل دارو معايا الليلةيجيو عندي مي كيفاش معرفت، اليوم درت إضراب عن الطعام و الخروج، بقيت حابسة على راسي فبيتي، شديت الشكلاط الي عندي فالبلاكار كليتو و وصيت البنات يجيبو ليا ما ناكل و دبا بيا و لا ليكم اعايلتي العزيزة . بقيت جالسة حتى كنسمع الدقان فالبالكون فتحت كانت إحسان: ههه إحسان كيدرتي ليها إحسان: ايوا شهر من تسلق الجبال فادتني بعدا هه كيدايرا؟ توحشتك صوفيا: لابأس اجي بعدا فين هي سارة؟ احسان: خليتها مزال متعطلة سارة: عاونوني!!!! إحسان: سكتي الله يعطيك مصيبة فضحتينا لقيناها شادة فالبالكون بحال إلا غدي طيح، جريناها الفوق: اوف ناري شوية كنت غدي نطيح احسان: دكشي علاش كنقولكم ديما ديرو الرياضة سارة: اه خاصنا نبداوها، ايوا صوفيا شنو درتي حتى عاقبوك صوفيا: عطوني ما ناكل راه مت بالجوع إحسان جبدت سندويش من ساكها و موناضة: هاكي بيب صوفيا: الله يعطيكم الخلا الجيعانات سندويش شغدي يقضي إحسان: و شنو بغيتينا نجيبو؟.هدشي الي قضيت نهز و مزال تقل عليا فين كنت طالعة سارة: المهم قضي بيه كليت الي قسم الله غسلت ايديا و عاودت ليهم كلشي، احسان: خسارة مكناش معك سارة: هههه واو خطار هاد الكوميسير صوفيا: الله يعطيه دقة إحسان: و صدق ياسين حتى هو ماشي ساهل المخدرات كاع صوفيا: واه مكنتش متوقعاها بقينا كنهدرو و نتحتو حتى وصلت 10، نقزت إحسان: صراحة توحشت أيام زمان فين كنا كنتجمعو و نصونو على الناس و نتفلاو عليهم سارة: و ييه يلاه نديروها صوفيا: فكرة زوينة، انا اللولة شديت التلفون و درت نمرة من رأسي و لقيتها كتصوني سارة: ههه انا متحمسة صوفيا: ششش ها هو جاوب، الو؟ الشخص: الو شكون معايا؟ صوفيا: معك مروى الشخص: شكون مروى؟ مكنعرف حد بهاد الإسم صوفيا: وايلي نسيتيني انا كنت تلاقيت معك فالمعاريف الشخص: صراحة انا مشيت للمعاريف مرة وحدة و معمري تلاقيت بشي بنت تماك صوفيا: وايلي اصاحبي راه تلاقينا غير نتا نسيتي الشخص: معرفتش ما بقيتش عاقل صوفيا: المهم انا اتصلت بيك باش تجي عندي للدار راني بوحدي معايا غير خويا الشخص: لاش؟ صوفيا: لاش برايك؟ نصاوبو الحلوة الشخص: اه مكنعرفش نصاوبها شفت فالبنات: مال هدا كيتفلا عليا و لا شنو إحسان: ههه باينة فيه بيستعبط صوفيا: غير كنضحك معك، بغيتك تجي عندي باش تعاوني فالماط الشخص: الماط؟ فهاد الوقت؟ علاش عندك امتحان غدا؟ صوفيا: ههه لا الليلة الشخص: مكنعرفش الماط اختي صوفيا: غير اجي انا نعلمو ليك، نبداو بجدول الضرب و الحساب و من تم ندوزو المعادلات الصعبة البنات ماتو بالضحك الشخص: دبا مفهمتش، ياك نتي مكتعرفيش ليه و بغيتي تعلميني صوفيا: فين تجي نتا غدي نتعلم و نعلمك حتى نتا، ايوا شنو قلتي؟ الشخص: اوك عطيني الادريس و نجي عندك دبا عطيت ليه ادريسة ديال بنت جيرانا مروى: اوك متعطلش انا حاسة بسخونية الشخص: اه راه كاين الصهد حلي الشرجم الجو برا زوين حابسة الضحكة: يخليلي الي كيخاف عليا، اه بلاتي إلا جيت للدار غدي يحل خويا عليك الباب إلا سولك قولو غدي نخدم الماط مع مروى اوك؟ الشخص: اوك قطعت معاه و انفجرت بالضحك: واش هدا يا اما هبيل و لا كيستهبل عليا هههه سارة: ههه باينة فيه نية و ما عارف والو احسان: انا صراحة دخلني الشك وايلي دري مكيعرف هاد المصطلحات راه impossible سارة: اجي بعدا نتي واش باغة تخرجي على مروى؟ صوفيا: اه نسيتي شنو دارت ليا ديك الساعة احسان: دازت عليها عامين و مقديتيش تنسايها؟ غدي تشري ليها الصداع مع حمزة صوفيا: خليها باش نوريها اللعب مع لالياتها بقينا كنتجسسو على دار مروى بالمنظار نشوفو هداك المكلخ واش غدي يجي بصح، شوية بانت ليا طاكسي وقفت حدا دارهم و خرج منها دري تكون عندو شي 20 لابس سروال دجين و شوميز و داير النظاظر ديال الشوف، ههه شكلو كيضحك و باينة فيه من هدوك الي مكيفهمو بحال هاد الهدرة، شدت إحسان المنظار و بقات كضحك عليه، مشا دق الباب و فتح ليه حمزة ههه دبا بدا اللعب، مشكلة منقدروش نسمعو هدرتهم ↔↔↔نمشو عند الضحية و حمزة الضحية: سلام خويا واش كاينة مروى؟ حمزة طلع حاجبو: لاش بغيتيها و فين كتعرفها بعدا؟ الضحية: انا صديقها و بغيت نخدم معاها الماط حمزة: و تبغي تبات معاها؟ الضحية: لا غدي غير نخدمو الماط و نمشي مكاين لاش نبات حمزة شنق عليه: و شنو هاد الماط الي غدي تخدمو فيه بسلامة؟ الضحية كيرتعد:غير الحساب و جدول الضرب دكشي الأولي هي اللولة و ندوزو لدكشي الواعر حمزة تعصب: شنو؟!!! واش عارف راسك شكتقول الضحية: علاش مالي قلت شي حاجة عيب؟ حمزة: أولا جاي مع 10 ديال الليل و باغي تنعس مع ختي بلا حشمة و لا حيا الضحية: لا اخويا بالعكس انا غدي غير نخدم معاها الماط ماشي ننعس حمزة: و مزال كتعاودها؟!!!! نزل عليه بكروشية و بقا كيضرب فيه هدي تنفع هدي ضر، سمعت مروى الغوات و جات كتجري: خويا شنو واقع؟!! دفعها حمزة: دخلي لمك ها هي نوبتك جاية ابنت الحرام هلكو عصا و رماه و سد الباب انا و البنات بقينا كنضحكو حتى سخفنا صوفيا: هههه دبا نقدر ننعس مرتاحة احسان: ناري اصوفيا شحال شريرة سارة: حشومة عليك كلات قتلة ديال العصا على والو صوفيا: الصحة فيها ما شتي هي فين شرات ليا الصداع مع ماما تستاهل أكثر كملنا ضحك و البنات رجعو من فين جاو، انا هدرت شوية مع حسن و نعست الغد ليه فقت مع 12 دوشت لبست كسوة صيفية قصيرة نص كم و صندالة ديال الصبع درت كونتر سولاي و هزيت الكونطاكط، هبطت سلمت على دادا كليت سلاد فروي و مشيت عند ماما للصالون: ماما انا بغيت نمشي للمول نتقدا شي حوايج ماما: سيري طلعي لبيتك قالك المول صوفيا: وا ماما حشومة عليك راه خاصني شي حوايج نتقداهم ضروري ماما: شناهوما هاد الحوايج؟ صوفيا: فوطات صحية ملابس داخلية و شي كريمات و شي حوايج تانية ماما: كتبي هدشي فورقة و انا نمشي نشريه ليك اما الخروج ممنوع صوفيا: ماما انا عندي 23 عام ماشي معقول تحبسيني فالدار ماما: هاد الديسك قدام صوفيا: دبا نتي قلتي باغية تزوجيني ايوا بحالاش غدي تزوجيني و انا محبوسة فالدار ما شفت ما تشوفت ماما: ههه ها انا زوجوني باك ما شفتو ما شافني ما خرجت ما درت الزبايل و ها هو جا نصيبي حتى لدارنا بلا كد و لا نكد صوفيا: ماما الزمان تبدل والله ما خرجتي لا شافك حد و لا داها فيك و زيدون انا هدشي إلي بغيت نتقدا مغديش تعرفيه حيت انا الي غدي نعرف الأنواع إلي بغيت ماما بعد تفكير: وخا و لكن انا الي غدي نمشي معك صوفيا: ماما حشومة عليك هدشي إلي كديري فيا واه بزاف ماما: يلاه تحركي و لا نديرو بناقص مشكلة انا درت مع حسن نتلقاو دبا شنو ندير، فوضت أمري و صيفطت ليه مساج اعتذرت ليه بحجة جاني غرض مهم مي ما قراش المساج، مشات معايا ماما فاللوطو، وصلنا للمول انا ما خاصني والو مي بقيت كنحط فالشاريو، كملت الشوبينغ و هي تهدر ماما: شنو قلتي نمشو نتغداو فشي ريسطو كأم و بنتها عتبريني ابنتي صاحبتك و خلينا ندوزو وقيت زوين، واقفت احسن من الجلسة فالدار مشينا ريسطو قريب للمول و جلسنا: ماما انا نمشي للطواليط نتي طلبي لينا سلاد بينما نجي اوك؟ ماما: اوك سيري و ما تعطليش مشيت للطواليط مع الدورة بغيت ندور و هو يشدني شي حد و حط ايدو على فمي...يتيع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM