قصة الإنتقام: الحلقة التاسعة: واحد الحاجة قراوها ضروري مشيت ديريكت للبنكة ايكون واجد مليون ولا 2 3 مليون درت الصولد والصدمة لقيت مليار و200مليون ديك ساعة معرفتش واش نضحك ولا نبكي بالفرحة فشلو ليا ركابيا صافي بزااف رجعت عندو كلت ياكما تغالط ليك كاليا شنهوا كلت كونط بونكير كاليا راه ديالك 100% عنقتو كلت ليه الله يسهل عليك كاليا نتا تستاحق وملي كلت غنرض ليك الجميل هيا غنرضو وهانتا فرحان طلعت حطيك راسي بغيت نعس مجانيش نعاس بكترة الفرحة شوية سمعت شي حاجة تخبطاط فواحد البيت مشيت لفين جا الصوت لقيتو المكتب ديال البوص دقيت المرة التانية والو دفعت الباب لقيتو سخفان اش هاذ الهلاوي مال هذا كنفيقو والو هزيتو كسيريت بديك أودي ديتو لصبيطار دخلوه تسنيت خرج طبيب كلت ليه ياك لاباس واش بيخير كاليا دوز معايا لمكتب دخلت عطاني وراق شفتهم كاليا هاذو سكانير ديال السرطان السيدا ودب راه فالأيام الأخيرة ديالو ويموت والباركة فراسك كالت وفين جاه هذشي كاليا دار علاقة جنسية وتنتاقل ليه السرطان مبقى ليه والو كلت واش ممكن ندخل كاليا سير دخلت لقيتو كاليا اهلا محمد بيخير كلت ليه بيخير ونتا شوية لاباس كاليا موحال وداكشي لي فراسك هو لي كاين مبقى ليا والو ونموت ملي غنموت فرحان فراسك بلي نتا افضل عميل خدم معايا نجيتيني وتقت فيك ومخنتيش تقة لي درت فيك والله يسهل عليك سيد تقطع فيه نفس مبقاش كيتنفس ومكيتحركش كنحرك فيه البوص البوص طبيييييييب وااااااهلاوي اجي شوف دخل طبيب وفرميات خرجوني غير بزز بقيت كنتسنا هاهو خرج طبيب كاليا الباركة فراسك طاحت دمعة سخونة مسحتها خرجت من صبيطار مشيت حدا البحر ريحت كنعاود سيناريو ملي كنت فالمغرب عايش بيخير وحدا واليديا رجعت للقصر مهموم دب البوص مات دب هاذ الأملاك اش غندير وإلا جاب الله هاذو عرفوه مات غتنوض الروينة فهاذشي اه لقيتها جمعتهم كلت ليهم راه البوص خلاني هنا مسؤول هنا لي بغا يدير زلي دار شي حاجة بلا بيا المصير ديالو الموت ودب لي عندو شي شغل يديرو نتاشرو فالصباح بكري سمعت شي كيدق باب بيتي حليت الباب لقيتها الخدامة شافت فيا تمضمضمض كلت شنووووو اش كاااااين مفيقاني على صبااااح هضري كالت اااا سمح لياا حيت واحد الراجل بغاك كالت كوليليه هاني جاي دب ردخت الباب شفت فالمرايا شحال هاذي مشفت راسي وتفاك مفورمي وحلوف ديك ضربة لي خرجات عليا تفو لبست حوايجي نزلت للتحت كاليا سلام نتا هو محمد جاوبتو اه يلاه بغا يهضر قاطعتو تال البيرو طلعنا كلت ليه كول اش كاين كاليا دب البوص قبل ميموت خلا ليك جميع الأملاك خرجت عيني كلتليه اشنو كاليا غير تهدن مزال مسليت هضرتي كالت كمل كال خلا ليك جميع الأملاك فيدك فيهم هاذ القصر وقصر فروسيا وجوج فنادق فتركيا اه اه بلاتي هاك واحد الوصية شديتها كاتب "محمد انا عارفك مغريبي تا انا مغريبي فاش كتقرا دب هاذ الوصية انا تحت التراب وبغيت نكوليك نتا نية ماشي غير الفلوس نقدتي حياتي درتي خير لي مداروش تا واحد فهاذ المافيا وخليت ليك جميع الأملاك لي عندي تصرف فيهم كيما بغيتي تهلا فراسك لرجع لحياتك فالمغرب عائلتك تتسناك تيليفونك عند المحامي ...........أحمد" شفت فالمحامي كال قريتي الوصية وها تيليفونك لي وصاني عليه احمد ودب هاذشي لي كاين انا خارج خلاني مصدوم ريحت شوية حسيت بحالا شي جبل كان فوق كتافي وتحيد جمعت دراري والخدامة كلت ليهم دب البوص مات جمعتكم باش نعطيكم حقكم والخدمة معايا سلات عطيطهم فلوسهم مشاو بقيت فالقصر طاحت ليا فكرة بدلت حوايجي لبست حوايج مجرتلين خربقت وجهي حالتي مجرتلة مشيت لواحد الجردة صونيت على ديالا جاوباتني كالت فينك ياكما ضربوك كلت اجي للجردة راني مشي بيخير قطعت اح نشوفو رياكشن ديالها هاهية جاية جات كتسول مالك شكون دارليك هكا درت بحالا سخفان خخخ ضربوني داولي فلوسي معندي والو درت بحالا كنبكي جات عنقاتني متخافش انا معاك مدات ليا شي وريقات ديال الفلوس هاك هاذو قدي بيهم تا بكونو عندي ونعطيك مهم تكون بيخير صراحة بكيت نيت ديال بصح اخيرا لقيت الزوجة ديال الحلال نضت ضميتها عندي عنقتها بكل ما عندي كلت كنبغييييييييييييييييك واحد الفرحة داتني لدار دوشت جات ريحات حدايا كتمس ليا شعري كالت متخافش وخا يديو ليك كولشي غير تكون بيخير وحدايا نتا حياتي امحمد دعيت الله يسامحني وخا مدرت والو كنشكر فيه على هاذ النعمة وخا مكنصليش نسيتها فقت فالصباح لقيتها ناعسة خرجت طاحت عليا واحد الفكرة غنديرها عيط على الشيفور جا مشينا للمحل طونوبيلات شرينا واحد ميني كوبر (mini couper) نوع من طونوبيلات ديتها عند الميكانيكي صبغها بالوردي رجعناها للقصر درناها فكارطون كبير ودرت فوقو ديك لعيبة ديال الكادو ودرت بالونات فالداخل قاديت واحد الطبلة اش غنكول ليكم غتحل فمك الخوت سموحات محطيطش ليكم لبارح حيت كان عندي مشكل وشكرا تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM