كلت غتعرفي صايبي غير فطور معتبر ميخصك خير كالت صافي مشيت ندوش لبست حوايجي واحد الكوستيم فزرق جا معايا واحد رويحة زوينة نزلت شافتني لواليدة كالت ماشي تخطب بلا بيا ولا شنو كلت ييه وهيا تزكلني واحد شطابة خريط بضحك خرجت بطونوبيل دقيت على عزيز خرجات ليا مو كالت تبارك الله عليك ما شا ءالله اولدي كداير بيخير كلت الحمد لله كالت دخل تفطر كلت لا انا لي عرضت عليك نتي وعمي وعزيز لبسو واجيو عندنا راه دايرين فطور كالت وخا مشيت للاوتيل مشيت دقيت فالغرفة لي كاينة فيها ديالا وماريا تيفطرو كلت متفطروش غتجيو معايا وغتفطرو فطور مغريبي معايا مهم مشاو معايا جايب معايا جوج تيتيزات للدرب راك عارف الحضية كي دايرة دقيت حلات ليا مي كالت محمد مصدومة كلت مالك منين جبتيهم كلت بلاتي بعدا ندخل ونفهمك دخل لقيتهم مجموعين دخلت مساكن غير تيشوفو كلت سلام عليكم واحد عزيز جاتو سكتة دماغية خخخخخخ تدهش كلسنا مجموعين كلت بلاتي بعدا نفهمكم هاذي ديالا مرتي مستقبلا وهاذي صاحبتي كنت تعرفها شحال هاذي فطرنا الكاوريات طاحو عما عجبهم الفطور كلت عمي خالتي واليديا غنصيفتهم للحج مساكن فرحو لواليديا كلت مشي غير هما لي غيمشيو تا نتوما غتمشيو معاهم تحجو مت عزيز بدات تتدمع وعزيز غير تيشكر فيا من صباح خخخخ مسكين نية خرجنا رضيت البنات بجوج للاوتيل حيت هنا فيه غير الحضية جا عندي عزيز كاليا محمد باغيك فواحد البلان شناهوا كال بغيت نكول ولكن حشمت كلت هضر اصحبي كول كال ديك صاحبتك عجباتني كلت واش ديك ماريا كال اييه هي كلت مبروك تعجب كلت وراه هاذشي لي تنتسنى لاش جايبها معايا ليك يادلي عنقني كال نتا خويا لي مولداتوش مي كلت بروجولة كوليا فين تلات باقي ذيك اميمة الا باقي تنعقل كال يه هيا سميتها راه تزوجات بواحد سكايري تيتعدا عليها كلت اه صافي مشينا تقوهوينا مشيت للدار ديما اتصال بيناتنا تتخريني بضحك تتكول ليا امتا نتزوجو بغيت نعيش انا وياك كلت ليها قريب انشاء الله نعست فالصباح كيف العادة فقت درت السبور دازت حدايا واحد البنت تمعنات فيا بزاف مديتهاش فيا دزت ونا نسمع محمد فرانيت بلامنشعر هاذ صوت فايت ليا سمعتو ولكن معقلتش عليه درت جات عندي كالت محمد معقلتيش عليا كلت لا معقلتش كالت وايلي كلت بلا متمرضيني هاذ صباح عطيني بتيساع درت سمعت انا اميمة قلبي بدا كيضرب معرفتش علاش ضرت درت ضحكة صفرة كلت ليها اهلان معرفتكش صفا بيخير كالت بيخير الحمد لله
وهي تكول محمد سمحلي على ونا نا نقاطها كلت مشي موشكيل لي فات مات كالت اش بان ليك نخرجو نضورو بعشية كلت ييه مرحبا درت ضحكة صفرا دزت كلت اوا هذا هوا الإنتقام لي تنتسناه شحال هاذي دخلت للدار فطرت مهم داز نهار طوب وصلات العشية عيطات عليا ديك اميمة تافقنا نتلاقاو فجردة عيط على عزيز و الحب ديالي والبنت لوخرا وصلنا للجردة لقيت اميمة تتسناني وصلت عندها بحال الا شافت جن لقيتها هازة وردة حيدتها من ايديها قطعتها طراف قدامها كلت هذا الإنتقام لي رديتو ليك هاذ لوقيتة دالعام لي هرستي ليا قلبي ولكن الله تيعوض كولشي والحمد لله شفتي هاذي (ديالا ) هذي هيا لي صبرات معايا بزاف تستاحق كتر مني مغديش نكوليك سميتها حيت غالية عليك يلاه تهلاي فراسك ابنت ناس وخا متستاحقي هاذ سمية مهم نخطاصر بيكم دازت سمانة درت العرس نهار لي دارو فيه خويا عزيز درناه فواحد دقة من بعد عام رزقت بدري سميتو عزيز على سمية العشير ديالي وهو ترزق ببنية سماها إلهام هنا ساليها القصة ديالنا واخيرا ساليناها بالحق تعدبت عليها بزاااف والله شاهد عليا مهم تنشكركم بزاف نتمنى دوزتو معايا وعشتو معا القصة ونسيت راه ديالا وماريا تيسلمو عليكم وشكرا ليكم بزااف
هنا وصلنا نهاية المسيرة ديالي فالباج راه درت كروب وتساب غنحط فيهم قصص لي بغا يجي مرحبا
https://chat.whatsapp.com/Ch2cKYwYvtV0rwmteOIiVu
تهلاه❤🥺
تابعوا باقي القصة واكتشفوا قصصًا أخرى عبر :
الفايسبوك : www.facebook.com/9isasRM
الواتساب : whatsapp.com/channel/0029VaicQtDKLaHqQiLXua02
مسنجر :
www.facebook.com/messages/t/25863888246590490
تلغرام : t.me/kisasRM
ليست هناك تعليقات:
إرسال تعليق