صعوبات الحياة الجزء الثامن ( التتمة من بعد 300 لايك طاكيو الأصدقاء توعكم يعاونوكم عليها . جميعا من أجل إرجاع صفحة سكفاندري للقمة 😜) الواليد : عرفت واش حاكمين عليك ب ربع سنين غتخرج بكافالة ليوم بصارحة فرحت او ما فرحتش في نفس الوقت حيت ولفت ناس لي في الحبس وحتا العيشة لي عشت هنا حسن من ديال برا بديت كنفكر فاش غادي يشوفوني الناس لي كانوا كيتهربو مني واش مزال غادي يبداو يتهربوا مني دابا وأصلا محال واش مزال شي حد فدرب غيعرفني وليت صحيح تاع بصح وبياضيت ومبقيتش مسخ . الواليد : مالك ساهي أولدي واش مفرحناش ولا شنو _ لا بالعكس غير كنفكر كيفاش غادي تولي حياتنا في المستقبل اه المهم من هنا ساعة اولدي غتخرج او عنداك تفرط فهاذ جوا راه هوا لي فيه كلشي ومتنساش الهدف ديالك راه دربتك باش تاخد حقك و حقي و معول عليك باش تنتاقم من هادوك كاملين لي وصلونا لهاذ الحالة - كون هاني الواليد فراسك بيلا أحسن حاجة درت ولي عمري ندم عليها هي منين سرقت داك تيليفون حيث تعرفت عليك او ما بقيتش حاقد عليك او محيت من دماغي ديك الصورة لي كانت وخدها عليه فيالمخيلة تاعي و تاني حاجة تعرفت على ناس جداد لي متيحقدوش عليك متيسبوك ما والوا وليت انسان جديد في هاذ الحبس. الواليد : ولكن إياك تعاود دير بحال هكاك حيث طريق الحبسات خايبين وكون ما أنا لي هاز عليك الحمل كون كلاوك الذياب _ كون هاني عمري نوصل الحبس مزال . يقيت مجمع معاه و كل دقيقة تيوصي فيا الواليد : حماد جبد الفلوس من كارط كيشي و شري شي دار زوينة سكنو فيها نتا و مك تهلا ليا ف الوليدة تاعك عنداك اخصها شي خير ولا تقلقها _متحتاجش توصي شوية هوا يدخل واحد البوليسي حماد نوض نضت و الدموع باغين ينزلو من عيني ولفت هنا ولفت حتا الأب ديالي ولاكن قصحت قلبي كيما تايقول ليا الوليد لا مقصحتيش قلبك و الله لا الله لا عشتي فهاد البلاد السعيدة خرجت انا وداك البوليسي ولاكن هاد المرة مدايرش ليا المنوط خارج بعزي دوزني التفتيش عاد خرجت من الباب الكبير احسن شعور هو شعور الحريةو الهواء الطلق تتشم ريحت الحرية والحياة ولاكن مكرهتش كون بقيت في الحبس ولفتو وعشت فيه حسن ماعشت برة . ماعلينا خرجت من الحبس بحوايج جداد و نقين وضارب مغانة ونضيضرات شراهم ليا الاب تاعي وليت تنكول ليه الوليد او مرتاح من جيهتو . شيرت على طاكسي وكف ليا ركبت كلت ليه العنوان ديال الدرب ديالنا . تعجب وقال ليا ولدي متأكد باغي تمشي لهنا وجهك ماشي ديال ديك البلاصة حيث عامرة غير بالشمكارة . ملي قالها مزتش معاه كلمة نزلت من الطاكسي او مشيت على رجليا واش بصح جوج شراوط متيسواو والوا يمكن يبدلو الشوفة تاع المجتمع من جيهتك والله تا بزااف هادشي بقيت تنتمشا ف طريق ضربت من الحبس حتال الدرب لي ساكن فيه متبدل فيه والوا كما خليتو ولا الدرب في نفس الكوان الحضاية ديال الدرب في بلاصتهم ماتبدل والو درب فقير ولكن كيعجبني حيث دوزت فيه الحلوة و المرة كاع الأفراح و الاحزان و كلشي دوزتو هنا داخل الدرب دخلت الدرب درت القب وبنادم غير تيشوف فيا امكن ما عرفونيش ولا عرفوني او مستغربين كيفاش داك المسخ ولا فحال هكا . مشيت الدار لكيتها مسدودة. عرفت بلي الوليدة مكيناش غتكون خدامة دبا تتغسل لماعن لشي عائلة ولا تتشطب مسكينة الله يسمح لينا من الوالدين دقيت باش نتأكد و ما جاوب حد ديك ساعة تيقنت حيت الوليدة منين تتكون فدار تتخلي لباب مفتوح متتسدوش . بقيت كالس قدام الباب لي تيدوز تا يشوف فيا تاحد متيزعم يدويني . شوية هيا تخرج جارتنا لي قدامنا ولدي سمح ليا نسولك شفتك من قبيلة ونتا كالس هنا ياك ما تتقلب على شي حاجة ولا غلطتي فلعنوان نقدر نعرف شكون نتا مجاوبتهاش حسيت ب الملامح تاع وجها تبدلو فديك اللحضة. دخلات بقيت كالس قدام الباب تا دازت شي ساعتين هيا تم جايا مي وهزا شي كفة من شفتها التبوريشة طلعات معايا و انا كالس من شحال ما شفتهاش راه تبوريشة والفرحة شافتني وهيا تلوح الكفة من يديها محسيتش حتا مشيت تلاحيت عليها و البكية نازلة ليا من عيني مكديتش ندوي بنادم بدا تيخرج اشوف شنو كاين راه تبركيك تا يعطيوه قتلة هاد شعب بدات تتسول فيا فين كنتي و انا حبس ما باوش يكولو ليا حتا حاجة عيت من قلب عليك او والوا بدات تتبكي محملتش راسي بنادم تيشوف دخلنا الدار او ماباتش تطلق مني ريحنا هيا تبدا تكول ليا شنو فين كنتي منين جاوك هاد الحوايج علاش ما باوش يكولو ليا فين محبوس مكديتش نخبي عليها عاوت ليها كلشي من الاول بتفاصيل بدات تتبكي مالك تنسول فيها ما باتش تجاوب بقات ساكتة شحال وغير كتبكي عاوت سولتها وهيا تقول ليا درت أكبر غلط في حياتي هاد المدة كاملة كنت ضالمة باباك كنت ديما تنقول راه غيكون تزوج و بدلني و نسانا ولا قتلوه لي كانو خدام عندهم بزاف تاع حوايج كانو تيخطرو ليا على بالي لي كانو تيحقدوني فيه وآخر حاجة كانت كتخطر ليا في بالي هو هادشي لي عاودتي ليا - مزيان ولاكن أماما علاش مكلتيش ليا بلي راه عندي ختي وداكشي لي وقع نهار تولدت علاش معاوتيهش ليا هادشي كامل وديما تنسولك وكتهربي عليا . الواليدة : سمح ليا اولدي مكنتش باغاك تشطن على والوا كنت باغاك ديها غير فقرايتك ونتا مزال صغير صعيب تحمل هادشي كلت حتا تكبر و نعاود ليك كلشي ولكن القدر كان مخبي حاجة اخرى دبا قول ليا فين هوا باك وعلاش مخرجش حتا هوا بكفالة كما خرجتي نتا . _ مبغاش يقول ليا والو لي عارف منين غيكمل فترة تاع الحكم لي محكوم بيها عاد غادي يخرج ويجي عندنا حيث توحشك الواليدة: ولدي راه خاصنا نمشيو عندو الحبس نشوفو ضاروري ونطلب منو السماحة _ لالا ا مي ميمكنش هوا كال ليا منجيوش عندو منين غيخرج هوا غيجي عندنا . الواليدة : ولدي قول الصراحة ياك ما مخبي عليا شي حاجة غير كول تنحس بشي حاجة ماشي حتال لهيه قلبي مامهنينيش _ لا والله ما مخبي عليك والوا غير رتاحي نتي دب او نساي عليك شي حاجة سميتها الخدمة في الديور ولا هاد الدار حييث غادي نبدلوها رتاحي شوية بما نجي راه باينا فيك مسخسخة بلخدمة . الواليدة :فين غادي غادين نمشيو وعلاش منين غيجيونا الفلوس باش ناكلو ونخلصو الكرا و ضو كلس معندك فين تمشي _ راه عاوت ليك بلي الوليد عطاني كارط كيشي كال ليا فيها الفلوس لي يقدوك حياتك كاملة انا غنمشي البنكة نخرج شي فلوس و نشوف شي دار تكون زوينة. الواليدة :ولاكن كيفاش منين غيكون جابهم هوا _ قصة طويلة حتا هادي مي غير رتاحي باش ملي نجي نكمل ليك كلشي بتفاصيل المملة صف يالله رتاحي نتي دب .خليتها او تميت خارج مع خرجت من الباب هيا توقف عليا .... يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM